MAHALLA YETTILIGI FAOLIYATI O‘RGANILDI

Xalq deputatlari Qo‘shko‘pir tumani Kengashi kotibiyati bosh mutaxassisi S. Matyaqubova Mesit mahallasida bo‘lib, mahalla yettiligi faoliyati bilan yaqindan tanishdi.
O‘rganish davomida mahalla yoshlar yetakchisi Qurbonboyev G‘ulomjon, mahalla xotin-qizlar faoli Rajabova Zeboxon hamda ijtimoiy xodim Rajabova Ma’mura tomonidan mahallada olib borilayotgan ishlar tahlil qilindi.
Jumladan, kambag‘al oilalarni qo‘llab-quvvatlash, aholi bandligini ta’minlash, ishsizlikni qisqartirish hamda fuqarolarning ijtimoiy muammolarini manzilli hal etish borasidagi ishlarning samaradorligiga alohida e’tibor qaratildi.
O‘rganish yakunlari bo‘yicha mas’ullarga mavjud kamchiliklarni bartaraf etish, ishlarni tizimli tashkil etish hamda aholi murojaatlari bilan ishlash samaradorligini oshirish yuzasidan tegishli tavsiya va ko‘rsatmalar berildi.