Xalq deputatlari Jondor tumani Kengashining navbatdagi 102-sessiyasi bo‘lib o‘tdi. Unda Xalq deputatlari tuman Kengashi deputatlari, doimiy komissiyalar raislari, tuman hokimi o‘rinbosarlari, siyosiy partiyalar, jamoat tashkilotlari, huquqni muhofaza qiluvchi organlar rahbarlari hamda ommaviy axborot vositalari vakillari ishtirok etdilar.  

Sessiyada ishida O‘zbekiston Respublikasi Oliy Majlisi Senatining 2021 yil 30 sentabrdagi SQ-401-IV-sonli qarorida belgilangan vazifalar ijrosini ta’minlash maqsadida tumanda korrupsiyaga qarshi kurashish borasida olib borilayotgan ishlar, Yoshlar ishlari Jondor tumani bo‘limining 2023 yilgi faoliyati va 2024 yildagi rejalari to‘g‘risida hisoboti hamda O‘zbekiston Respublikasi Prezidentining “Davlat huquqiy siyosatini amalga oshirishda adliya organlari va muassasalari faoliyatini tubdan takomillashtirish chora-tadbirlari to‘g‘risida”gi 2018 yil 13 apreldagi PF-5415-sonli Farmoniga muvofiq tuman darajasidagi davlat organlari va tashkilotlarining norma ijodkorligi hamda huquqni qo‘llash amaliyoti holati kabi masalalalr ko‘rib chiqildi. Kun tartibidagi barcha masalalar atroflicha muhokama qilindi, tegishli qarorlar qabul qilinib, Xalq deputatlari Jondor tumani Kengashining navbatdagi sessiyasi o‘z ishini yakunladi.