Energetika sohasidagi qo‘shma manfaatlar - barqarorlik kafolati.

O‘zbekiston, Turkmaniston va Ozarbayjon - tabiiy resurslarga boy, shu bilan birga energetik infratuzilma salohiyatiga ega davlatlar. Avazada bo‘lib o‘tgan sammit doirasida energetika masalasida hamkorlik muhokamasi nafaqat tashqi bozorlarga yo‘naltirilgan eksportni oshirish, balki ichki barqarorlikni taʼminlashga qaratilgan qo‘shma harakatlar uchun platforma yaratdi.

Ayniqsa, qayta tiklanuvchi energetika sohasida hamkorlik istiqbollari muhim ahamiyatga ega. Uch davlatda ham quyosh va shamol energetikasini rivojlantirish rejalari bor. Shu nuqtai nazardan, qo‘shma loyihalar orqali “yashil energiya” eksport qilish imkoniyati kelgusida muhim bozor ustidan nazoratni taʼminlashi mumkin.

Bu jarayonda, Turkmanistonning gaz zaxiralari, Ozarbayjonning neft va transport salohiyati hamda O‘zbekistonning sanoat imkoniyatlari o‘zaro bog‘liq holda harakatlansa, mintaqa energetikasi nafaqat o‘zini, balki boshqa davlatlarni ham taʼminlaydigan darajaga yetishi mumkin.

Said Donishev, Xalq deputatlari Jizzax shahar Kengashi deputati