Oliy Majlis Qonunchilik palatasidagi O‘zbekiston XDP fraksiyasi a’zosi J.Achilov, viloyat Kengashi masʼullari bilan birga Qiziltepa tumanidagi "Furqat" mahalla fuqarolar yig‘inida mas’ullar va saylovchilar bilan muloqot o‘tkazdi.

Uchrashuvda deputat "mahalla yettiligi" faoliyati bilan yaqindan tanishib, murojaatlarni samarali hal etish yuzasidan fikr almashdi.

Shuningdek, partiya fraksiyasi taklif-tashabbuslari, parlament muhokamasidagi qonunlar mazmun-mohiyati haqida so‘z yuritildi.

Deputat Kambagʻallikdan farovonlik sari dasturi boʻyicha biriktirilgan xonadonlarga ham tashrif buyurib vaziyatni oʻrgandi.