Мен, 8-“Маденият” сайлаў округинен Халық депутатлары Хожели районлық Кеңеси депутаты ХудайбергеновАлишер усы жылдың 18-апрель күни белгиленген график тийкарында өз сайлаўшыларым алдында 2025-жылдың I-шереги даўамында әмелге асырған жумысларым бойынша сайлаўшыларға есабат бердим. 

Атап айтқанда, Ҳүрметли Президентимиз тәрепинен Қарақалпақстанды социаллық-экономикалық раўажландырыў бойынша қабыл етилген Пәрман ҳәм Қарарлары, Халық депутатлары Хожели районлық Кеңеси Сессияларында қабыл етилген қарарлардың мазмун-мәнисин ҳаққында түсиниклер берилди. Соның менен бирге, жылдың атмасына сәйкес қабыл етилген мәмлекетлик бағдарламада нәзерде
тутылған реже ҳәм ўазыйпалар ҳаққында мағлыўмат берилди. Есабат дәўиринде сайлаўшылардан 6 мүрәжат келип түскен болып, мүрәжатлар тийисли жуўапкерлер менен биргеликте унамлы шешим тапты. 

Мәселен, райондағы “Мәденият МПЖ” аймағындағы турғынларының нәгиранлығы болған жас өспирим балалардың үйлеринен хабар алынып мүражат ҳәм усынысларын тийисли шөлкемлерге сондай-ақ, кошелерде ескирген электр сымларын жаңалаўда депутатлық сораў жиберилди. Соны да атап өтиў орынлы, сайлаўшылар мәмлекетимизде әмелге асырылып атырған реформалардан
разы екенлиги, оны ҳәр күни өз турмысында сезип атырғанлықлары билдирди. 

Сессия, турақлы комиссия ҳәм депутатлық топар мәжилислеринде турақлы қатнасып, онда партиямыз электораты мәплеринен келип шығып өз пикир ҳәм усынысларымды билдирип келмектемен. 

   Алишер Худайбергнов  

 “Мәденият” сайлаў округинен Халық депутатлары Хожели районлық Кеңеси депутаты