Kuni kecha Shavkat Mirziyoyev raisligida amalga oshirilayotgan islohotlar natijadorligi, hududlarda ishlarning
borishi, aholini o‘ylantirayotgan masalalarga yechim topish yuzasidan videoselektor yig‘ilishi bo‘lib o‘tgan edi. Ushbu yig‘ilishda Prezidentimiz tomonidan mutasaddilarga go‘sht, sut va tuxum narxi barqaror bo‘lishi shartligi borasida topshiriqlar berildi. 

Ushbu topshiriqlar ijrosini ta'minlash maqsadida bugun Karmana tumani hokimi, xalq deputatlari Karmana tumani Kengashi raisi Valijon Adizov, 10-Farg‘ona saylov okrugi deputati Sh.Tilyayev tegishli mas'ullar bilan birgalikda tumandagi markaziy dehqon bozorida bo‘lib, tashkil etilgan oziq-ovqat mahsulotlarining arzonlashtirilgan yarmarka narx-navosi bilan tanishildi. 

Shuningdek, tuman rahbari tomonidan mutasaddilarga bozorda oziq-ovqat mahsulotlarining narx-navosini barqaror holatda saqlash bo‘yicha tegishli ko‘rsatmalar berildi.