Sho'rchi tumanidagi "Ezgulik" mahallasida O'zbekiston Respublikasi Oliy Majlisi Sud-huquq masalalari va korrupsiyaga qarshi kurashish qo'mitasi raisi Eshmurodov Abdulhakim Xushboqovich ishtirokida sayyor qabul bo'lib o'tdi.

-Sayyor qabulda mahallamizning infratuzilmasini yaxshilashga xizmat qiladigan muammolarni ijobiy hal etilishi bo'yicha murojaat qildik, - deydi Yo'ldosh Omonturdiev. - Yo'llarimizga asfalt yotqizilsa, ichimlik suvini yaxshilash uchun suv quvurlari qazilib, zarur choralar ko'rilsa, maktab o'quvchilari uchun piyodalar yo'lakchasi barpo etilsa, mahallamiz aholisi mamnun bo'lardi. 

Sayyor qabul davomida fuqarolarning har bir murojaatining ijobiy hal etilishi yuzasidan yechim izlandi. Murojaatlarni hal etish yuzasidan shu joyni o'zida tegishli mas'ullar bilan kelishib olindi.