Deputat qurilish obyektida bo‘ldi.

Xalq deputatlari Angor tumani Kengashi 19-Farovon saylov okrugi deputati Rahima Mamatmirzayeva tomonidan 40-sonli umumiy o‘rta ta’lim maktabida amalga oshirilayotgan rekonstruksiya va qurilish ishlari joyiga chiqib o‘rganildi.

O‘rganish davomida maktab binosining yangidan barpo etilayotgan qismi, qurilish-montaj ishlarining borishi, qurilish materiallarining sifati hamda belgilangan muddatlarga rioya etilishi yuzasidan mas’ullar bilan suhbat o‘tkazildi.Deputat tomonidan ta’lim muassasasida zamonaviy va qulay sharoitlarni yaratish, o‘quvchilarning sifatli ta’lim olishi uchun zarur infratuzilmani shakllantirish muhim vazifa ekani ta’kidlandi.
Shuningdek, qurilish ishlarini sifatli va belgilangan muddatlarda yakunlash bo‘yicha tegishli tavsiyalar berildi.

Mazkur obyektning foydalanishga topshirilishi natijasida o‘quvchilar uchun yanada qulay va zamonaviy ta’lim muhiti yaratilishi kutilmoqda.