Krevenchuk Anna Ivanovna bu yil 92 yoshni qarshiladi. Uning yoshligi mash’um Ikkinchi jahon urushi yillariga to‘g‘ri kelgan. 8 yoshli qizaloq front ortida yuk tashuvchi bo‘lib ishlagan. G‘alabaga mehnat frontida turib hissa qo‘shgan.
Bolaligini navqiron yoshligini mamlakatni tiklash ishlariga safarbar qilgan Anna Ivanovnaningtaqdiri Uchquduq shahri bilan bog‘landi. Hech bir millatni begona demay mehr ko‘rsatadigan xalqimiz o‘sha suronli yillarda ham bugungi dorilamon kunlarda ham hech kimni e’tibordan chetda qoldirgani yo‘q.

Front ortida fidokorona mehnat qilgan va hozirda Uchquduqda yashab kelayotgan mehnat faxriysi Krivenchuk Anna Ivanovna
O‘zbekiston Respublikasi Prezidentining 2025-yil 25-fevraldagi farmoniga asosan, Mudofaa vazirligi tomonidan “Ikkinchi jahon urushidagi g‘alabaning 80 yilligi” esdalik yubiley medali va 3 mln 300 ming so‘mlik pul mukofoti bilan taqdirlandi.

Tantanada tuman hokimi, xalq deputatlari tuman Kengashi raisi Uchqun Yelmuratov, Mudofaa ishlari bo‘limi boshlig‘i mayor Qahramon Davlatov, viloyat “Nuroniylar” jamg‘armasi rahbari Nabiyev Shabbon Shodiyevich, tuman “Nuroniylar” bo‘limi
rahbari, tuman Kengashi deputati Ikrom Rahimov, harbiy qism komandiri Sardor Karimov, tuman mudofaa ishlari bo‘limi boshlig‘i o‘rinbosari Muxtor Bozorovmahalla raisi Mirzaqul Isaqulov, 3-maktab “Vatan tayanchi” otryadi a’zolari, Zarafshon xalq banki vakillari hamda nuroniylar jamg‘armasi mas’ullari ishtirok etdi.

Uchquduq faxri bo‘lmish Anna Ivanovna singari bolaligini yoshligining navqiron chog‘larini mehnat frontida o‘tkazgan insonlar jasorati bugungi avlod uchun bukilmas iroda timsolidir.

Slide 1 of 7