O‘zbekiston Respublikasining "Xalq deputatlari viloyat, tuman va shahar Kengashi deputatining maqomi to‘g‘risida"gi Qonunining 7-moddasiga asosan bugun Oqoltin tumani "Yangi davr" MFY hududida joylashgan 1-sonli umumta’lim maktabi faollar zalida Xalq deputatlari viloyat Kengashi deputati N.Soatov va tuman Kengashi deputati X.Ishimov hamda N.Turdiyevlar saylovchilar bilan uchrashib, joriy yilning birinchi choragida amalga oshirgan ishlari yuzasidan hisobot berdilar. Hisobot berish jarayonida saylovchilardan mavjud muammolar yuzasidan 10 ga yaqin takliflar berildi. Deputatlar tomonidan muammolarni bartaraf qilish bo‘yicha chora-tadbirlar belgilandi.