📍Xalq deputatlari Guliston shahar Kengashi deputati Nargiza Zafarova tomonidan Do‘stlik mahallasida istiqomat qiluvchi fuqarolardan kelib tushgan murojaat asosida hududga chiqib o‘rganish ishlari olib borildi.

🔸O‘rganish jarayonida mahallaning Mirishkorlar ko‘chasidagi ichki yo‘lning holati qoniqarsiz ekani aniqlandi. Mazkur yo‘l avval asfalt qoplamali bo‘lgan bo‘lsa-da, uzoq yillar davomida ta’mirlanmaganligi sababli jiddiy darajada yemirilgan, katta-katta o‘yiq va chuqurlar paydo bo‘lgan. Natijada na piyodalar, na transport vositalari uchun qulay harakatlanish imkoniyati qolmagan.

🔹Ushbu holat aholining haqli e’tirozlariga sabab bo‘lib, ayniqsa yomg‘irli kunlarda vaziyat yanada og‘irlashayotgani ta’kidlandi.

🔺Deputat Nargiza Zafarova tomonidan muammo joyida o‘rganilib, masalani bartaraf etish yuzasidan tegishli tashkilotlarga murojaat qilish hamda yo‘lni ta’mirlash ishlarini jadallashtirish bo‘yicha aniq choralar ko‘rish zarurligi bildirildi.

🔎Mazkur masala deputat nazoratiga olinib, uning ijobiy hal etilishi bo‘yicha ishlar davom ettiriladi.