Bandixon tumani: Hokim yordamchisi ko‘magi – oilaviy tadbirkorlik poydevori!

✅Bandixon tumanida “Har bir oila — tadbirkor” tamoyili shunchaki shior emas, balki har bir xonadonga kirib borayotgan barqaror daromad manbaiga aylanmoqda. Mahallabay ishlash tizimi orqali aholi bandligini ta’minlash va tomorqadan unumli foydalanish masalalari bugun tumanimizda bosh ustuvor vazifa hisoblanadi.

✅O‘rganish jarayoni va maqsad

Xalq deputatlari Bandixon tumani Kengashi deputati N.Allamuratova hamda tuman Kengashi kotibiyati xodimi E.Eshonqulovlar tomonidan “Obod yurt” mahallasida navbatdagi o‘rganish ishlari olib borildi.

✅Asosiy vazifa:

✅Prezidentimizning PQ-55-sonli qarori ijrosini ta’minlash;

✅Ishsiz aholini kasb-hunarga yo‘naltirish;

✅Har bir xonadonda barqaror daromad manbalarini yaratish.

🍋 Tomorqa — xonadon xazinasi!

O‘rganish davomida hokim yordamchisining tavsiyasi va imtiyozli kredit ko‘magida o‘z xonadonini namunali tadbirkorlik maskaniga aylantirgan G‘afforov Ro‘ziboy xonadonida bo‘lindi.

✅Ushbu xonadonda tashkil etilgan:

🍯 Asalarichilik – tabiat ne’mati va daromad uyg‘unligi;

🍋 Limonchilik – zamonaviy issiqxonada yetishtirilayotgan serdaromad mahsulot;

🫑 Bulg‘or qalampiri – bozorning xaridorgir mahsulotlari bilan yaqindan tanishildi.

"Hokim yordamchisining yo‘nalish bergani va davlatimiz tomonidan yaratilgan imtiyozlar bizga kuch bag‘ishladi. Bugun nafaqat oilamizni boqyapmiz, balki bozorlarimiz to‘kinligiga ham hissa qo‘shyapmiz," — deydi tadbirkor.

✅ Bu kabi misollar mahallalarda ishsizlikni kamaytirish va aholi farovonligini oshirishda "mahallabay" ishlash tizimi qanchalik samarali ekanini ko‘rsatmoqda.