Xalq deputatlari Angor tuman Kengashi raisi hamda kotibiyat mudiri tomonidan 25-saylov okrugi hududida joylashgan 21-sonli umumta’lim maktabining faoliyati o‘rganildi O‘rganish jarayonida maktabda yaratilgan shart-sharoitlar, xususan, zamonaviy o‘quv-uslubiy xonalar, ta’lim jarayoniga joriy etilgan jihozlar hamda o‘quvchilar uchun yaratilgan qulay muhit alohida ko‘zdan kechirildi. Mazkur muassasada o‘quvchilarning sifatli bilim olishi uchun zarur infratuzilma bosqichma-bosqich yaxshilanib borayotgani qayd etildi. Shuningdek, maktab kutubxonasi faoliyati ham tahlil qilinib, 2026-yil holatiga ko‘ra jami 583 dona kitob mavjudligi aniqlandi. Avvalgi yillarda kutubxona fondi 800 donani tashkil etgani inobatga olinib, kitoblar sonini ko‘paytirish, ayniqsa, zamonaviy va o‘quv dasturlariga mos adabiyotlar bilan boyitish yuzasidan tegishli tavsiyalar berildi.O‘rganish yakunida ta’lim sifatini yanada oshirish, mavjud sharoitlardan samarali foydalanish hamda kutubxona fondini kengaytirish bo‘yicha Kengash raisi tomonidan aniq vazifalar berildi.