Oʻzbekiston Respublikasi Prezidenti Shavkat Mirziyoyevning Oliy Majlis va Oʻzbekiston xalqiga yoʻllagan Murojaatnomasi mamlakatimiz taraqqiyotining yangi bosqichga koʻtarilganini yaqqol namoyon etdi. Xususan, yalpi ichki mahsulot hajmining ilk bor 145 milliard dollardan oshgani xalqimizning fidokorona mehnati, amalga oshirilayotgan islohotlarning toʻgʻri va samarali ekanidan dalolatdir. Davlatimiz rahbari ta’kidlaganidek, bundan toʻqqiz yil avval 100 milliard dollarlik marrani orzu sifatida koʻrgan boʻlsak, bugun undan ancha yuqori natijalarga erishdik. Bu yutuqlar barqaror iqtisodiy rivojlanish bilan birga mas’uliyatni yanada kuchaytirishni ham taqozo etadi. Biz kelgusida ham hududimizda ekologik barqarorlikni ta’minlash, aholi farovonligini oshirish va sogʻlom muhit yaratish yoʻlida Prezidentimiz belgilab bergan vazifalarni izchil amalga oshirishga bor kuch va imkoniyatlarimizni safarbar etamiz.