O‘zbekiston Respublikasi Prezidenti Shavkat Mirziyoyev tomonidan Oliy Majlis va O‘zbekiston xalqiga yo‘llangan Murojaatnoma mamlakatimizni izchil rivojlantirish, ijtimoiy-iqtisodiy barqarorlikni ta’minlash hamda aholi farovonligini yuksaltirishga qaratilgan ustuvor vazifalarni belgilab berdi.

Murojaatnomada 2026-yil “Mahallani rivojlantirish va jamiyatni yuksaltirish yili” deb e’lon qilinishi davlat siyosatida mahalla institutining o‘rni va ahamiyati yanada mustahkamlanayotganidan dalolat beradi. Ushbu yo‘nalish joylarda mavjud muammolarni manzilli hal etish, fuqarolarning ijtimoiy faolligini oshirish hamda jamiyat barqarorligini ta’minlashga xizmat qiladi.

Shuningdek, iqtisodiyotni modernizatsiya qilish, raqamli texnologiyalar va innovatsiyalarni keng joriy etish, ijtimoiy himoya tizimini takomillashtirish bo‘yicha belgilangan vazifalar Yangi O‘zbekiston taraqqiyotining muhim omillari sifatida belgilandi.

Deputat sifatida Murojaatnomada belgilangan ustuvor vazifalar, xususan “Mahallani rivojlantirish va jamiyatni yuksaltirish yili” doirasida belgilangan maqsadlar ijrosini joylarda ta’minlash, saylovchilar manfaatini himoya qilish hamda qabul qilingan qarorlarning amaliy natijasiga erishish yo‘lida tizimli ishlarni amalga oshirishni muhim vazifa deb bilaman.

Berdiyarova Xusnara Jo‘ramurotovna

Xalq deputatlari Boyovut tuman Kengashi kotibiyat mudiri, 8-Taraqqiyot saylov okrugi deputati