Piskent tumanida “Fayzabod” MFYda xotin-qizlarni qo‘llab-quvvatlash ishlari o‘rganildi 

O‘zbekiston Respublikasi Prezidentining 2022-yil 7-martdagi PF-87-son Farmonida belgilangan vazifalar
ijrosi doirasida “Fayzabod” MFYda xotin-qizlar faoli A. Muspenovaning faoliyati o‘rganildi. Jarayon xalq deputatlari Piskent
tumani Kengashi deputati D. Komilova tomonidan amalga oshirildi. 

O‘rganish davomida mahalladagi xotin-qizlarning ijtimoiy ahvolini yaxshilash, ularni har
tomonlama qo‘llab-quvvatlash borasida olib borilayotgan ishlar atroflicha
tahlil qilindi. Xususan, “Ayollar daftari”ga kiritilgan ayollarning bandligini
ta’minlash bo‘yicha ko‘rilayotgan chora-tadbirlar, ularni kasb-hunarga
yo‘naltirish va doimiy daromad manbai yaratish borasidagi amaliy ishlar ko‘zdan kechirildi. 

Shuningdek, oilaviy ajrimlarning oldini olish, sog‘lom muhitni mustahkamlash va nizoli
holatlarda o‘z vaqtida ko‘mak ko‘rsatish bo‘yicha mahallada yo‘lga qo‘yilgan
tizim ham deputat tomonidan baholandi.