Zangiota tumanidagi ixtisoslashtirilgan maktabda 17-okrug deputati Yo. Mirzaxmedova tashabbusi bilan “Ona tabiatni asraylik! ” mavzusida davra suhbati tashkil etildi.

Tadbirga O‘zbekiston Respublikasi Oliy Majlisi Qonunchilik palatasi deputati M.Xodjayeva, xalq deputatlari tuman Kengashi deputati N.Muxiddinovlar tashrif buyurdilar.

M.Xodjayeva “Tabiatda iqlim o‘zgarishi, atmosfera ifloslanishi, chiqindilar muammosi” mavzusida so‘z yuritib, zarur ma’lumotlarni o‘quvchilarga ilmiy va nazariy asoslari bilan tushuntirib berdi.

Maktabning “Eco-school” loyihasi qo‘mitasi a’zolari tomonidan taʼlim muassasasida bu borada amalga oshirilayotgan ishlar haqida taqdimot havola qilindi.

Suhbat so‘nggida deputatlar o‘quvchilarning savollariga javoblar berdilar. Shuningdek, “Yer - bizning yagona sayyoramiz! ” nomli qisqa ekologik rolik namoyish etildi.

Slide 1 of 4