Uchrashuv davomida giyohvandlik va psixotrop moddalarining noqonuniy aylanmasi, firibgarlik, tovlamachilik va tan jarohati yetkazish bilan bog‘liq jinoyatlarning oqibatlari haqida batafsil tushuntirishlar berildi.

Mutaxassislar yoshlar orasida huquqbuzarliklarning oldini olish, ularni ogohlikka va mas’uliyatga chaqirish, qonuniylikni mustahkamlash borasida fikr almashdilar. Kibermakonda bo‘layotgan firibgarliklar haqida ogohlantirildi.

Suhbat davomida talabalar bilan quyidagi mavzular yuzasidan ochiq va mazmunli muloqot olib borildi:

• “TTA Odob-axloq kodeksi” talablari;

• Talabalarning kiyinish madaniyati va ichki tartiblarga rioya etish masalalari;

• Talabalar turar joylarida amal qilinishi lozim bo‘lgan qoidalar;

• Akademiya hududining “Chekishdan xoli hudud” sifatida belgilanishi va bu tartibni mustahkamlash yo‘llari;

• Akademiya test markazida joriy etilgan Face ID tizimi va uning xavfsizlikdagi roli.

Mazkur davra suhbati – talabalarni huquqiy, axloqiy va ijtimoiy mas’uliyatga yo‘naltirish, ularni o‘z jamiyatining faol, intizomli va ma’rifatli vakillari sifatida shakllantirishga xizmat qildi.