#deputatlik_nazorati_Uchtepa #deputat_sorovi

🇺🇿 Xalq deputatlari Uchtepa tumani Kengashi "3-Istirohat" okrugi deputati Xalmatov Bobur Baxodirovich tomonidan Uchtepa tumani hokimining qurilish, to‘siqlarsiz muhit yaratish, kommunikasiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari – tuman Obodonlashtirish boshqarmasi boshlig‘i Nurali Ismatovga navbatdagi deputatlik so'rovi chiqarildi.

📁 Uchtepa tumani Istirohat mahallasi, Istirohat ko‘chasining oxirgi aylanma harakatlanish qismiga yaqin hududda (63-A uy old qismida) ayrim avtotransport vositalari haydovchilari tomonidan yo‘l harakati qoidalariga zid ravishda yashil maydon o‘rtasidan harakat yo‘nalishi sifatida foydalanish holatlari kuzatilayotganligi qayd etilgan.

🕯 Mazkur hududdan avtomashinalarning yashil maydon ustidan yoki piyodalar harakatlanishi uchun mo‘ljallanmagan qism orqali o‘tishi natijasida maysazor va boshqa ko‘kalamzorlashtirilgan hududlarga zarar yetkazilayotganligi, shuningdek, transport vositalarining yashil hududdan o‘tishi natijasida yer qoplamining buzilishi, yashil maydonning siyraklashishi va hududning obodonlashtirish holatining yomonlashuvi kuzatilishi mumkinligi ko'rsatilmoqda.

📈 Yuqoridagilardan kelib chiqib:

✍️ mazkur holat yuzasidan joyiga chiqib o‘rganish o‘tkazish hamda o‘tkazilgan o‘rganish natijalari yuzasidan ma’lumot taqdim qilish;

✍️ mazkur joyning ikki tarafiga ham beton to‘siq joylashtirish orqali avtomashinalarning yo‘l harakati qoidalariga zid ravishda harakatlanishiga chek qo‘yish;

✍️ ko‘rilgan choralar va erishilgan natijalar to‘g‘risida qonunchilikda belgilangan muddatlarda yozma javob taqdim etish so‘ralmoqda.

🗣 Deputatlik so‘rovida ko‘tarilgan masala yuzasidan o‘rganish natijalari hamda amalga oshiriladigan ishlar bo‘yicha 10 kun muddatda asoslantirilgan ma’lumot taqdim etish talabi qo‘yilgan. Mazkur masala deputat tomonidan nazoratga olingan.