VOYAGA YETMAGANLAR BILAN ISHLASH AMALIYOTI O‘RGANILDI
Xalq deputatlari Pastdarg‘om tumani Kengashini Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan Inson ijtimoiy xizmatlar markazida voyaga yetmaganlar o‘rtasida huquqbuzarliklarning oldini olish, jamoat tarbiyachilarini biriktirish amaliyoti o‘rganildi.
O‘rganish davomida voyaga yetmaganlar bilan individual ishlash, ularning ijtimoiy muammolarini aniqlash, oilaviy muhitini o‘rganish, jamoat tarbiyachilarini biriktirish hamda tarbiyaviy-profilaktik ishlarni tashkil etish holatiga e’tibor qaratildi.
Voyaga yetmaganlarning huquq va manfaatlarini himoya qilish, ularni ijtimoiy qo‘llab-quvvatlash hamda huquqbuzarliklarning barvaqt oldini olishda Inson ijtimoiy xizmatlar markazi, mahalla va boshqa mas’ul tashkilotlar hamkorligi masalalari ko‘rib chiqildi.
Mazkur o‘rganishlar O‘zbekiston Respublikasi Vazirlar Mahkamasining 2021-yil 3-iyundagi 339-son qarori talablari ijrosini ta’minlashga qaratilgan.