AVLOD MAHALLASIDA AMALGA OSHIRILAYOTGAN LOYIHALAR O‘RGANILDI

Bugun Xalq deputatlari tuman Kengashi kotibiyati mudiri Sh.Boyqulov, kotibiyat mudiri O‘.Murodov hamda tuman Kengashi deputatlari ishtirokida Avlod mahallasida hududda amalga oshirilayotgan bir qator ishlar o‘rganildi.

🔹 Jumladan, PQ-49-sonli qaror asosida mahallada olib borilayotgan asfaltlash ishlarining borishi va sifati ko‘zdan kechirildi.

🔹 Shuningdek, «Ochiq budjet»ning 2026 yil 1-mavsumida g‘olib deb topilgan loyiha doirasida 8-sonli umumta’lim maktabi hududida barpo etilayotgan usti yopiq futbol maydonchasining qurilish ishlari bilan tanishildi.

🔹 Bundan tashqari, tuman hokimining amaliy ko‘magi asosida, tuman Kengashi deputati F.Tursunqulov tashabbusi bilan hashar yo‘li orqali qurilgan ko‘prikning bugungi holati o‘rganildi.

O‘rganishlar davomida amalga oshirilayotgan ishlar sifati, belgilangan vazifalarning ijrosi hamda mavjud muammolarga alohida e’tibor qaratildi.

🤝 Aholi uchun qulay va xavfsiz infratuzilmani yaratish, ijtimoiy ob’ektlarni rivojlantirish hamda fuqarolar murojaatlarida ko‘tarilayotgan masalalarni hal etish borasidagi ishlar izchil davom ettiriladi.