Belgrad shahrida O‘zbekiston Respublikasi Prezidenti Shavkat Mirziyoyev sharafiga o‘tkazilgan rasmiy qabul marosimi mamlakatlarimiz o‘rtasidagi do‘stona munosabatlar va o‘zaro hurmatning yuksak ifodasidir.
O‘zbekiston va Serbiya o‘rtasidagi siyosiy muloqotning izchil rivojlanib borayotgani, savdo-iqtisodiy, investitsiyaviy va madaniy-gumanitar sohalardagi hamkorlik uchun yangi imkoniyatlar ochilayotgani quvonarlidir.
🇺🇿Ayniqsa, davlat rahbarlarining o‘zaro tashriflari va ochiq muloqotlari ikki mamlakat xalqlari manfaatlariga xizmat qiladigan yangi loyihalarni amalga oshirish, iqtisodiy aloqalarni yanada mustahkamlashga muhim zamin yaratadi.
🇺🇿Deputat sifatida bunday xalqaro tashriflarni O‘zbekistonning ochiq va pragmatik tashqi siyosati, milliy manfaatlarni ilgari surish hamda xorijiy davlatlar bilan do‘stona va o‘zaro manfaatli munosabatlarni kengaytirish yo‘lidagi muhim qadam, deb hisoblayman.
🇺🇿Ishonamanki, O‘zbekiston–Serbiya munosabatlarining yangi bosqichi xalqlarimiz farovonligi va ikki davlat taraqqiyotiga xizmat qiladi.

Mavluda Xidirova,
Xalq deputatlari Jondor tumani Kengashi deputati,