Eski simyog‘ochlar yangisiga almashtirildi

Xalq deputatlari Jondor tumani Kengashi deputati H. Karayeva tomonidan saylov okrugi hududida aholi bilan muloqotlar davomida bildirilgan murojaatlar o‘rganilib, Yangiobod mahalla fuqarolar yig‘ini Og‘ar qishlog‘idagi eskirgan va aholi xavfsizligiga salbiy ta’sir ko‘rsatishi mumkin bo‘lgan elektr simyog‘ochlarini yangisiga almashtirish masalasi ko‘tarildi.
⚡️Mazkur muammoni bartaraf etish maqsadida deputat tomonidan tuman elektr ta’minoti korxonasi rahbari O. Usmonov nomiga deputatlik so‘rovi yuborildi.
⚡️Deputatlik so‘rovi tuman elektr ta’minoti korxonasi rahbari tomonidan nazoratga olinib, mas’ul xodimlar ishtirokida muammoli hududda zarur ishlar amalga oshirildi. Natijada Og‘ar qishlog‘idagi eskirgan simyog‘ochlar yangilariga almashtirilib, elektr tarmog‘ining texnik holati yaxshilandi.
⚡️Eng muhimi, aholi murojaati e’tiborsiz qoldirilmay, deputatlik so‘rovi asosida qisqa muddatda amaliy yechim topdi.
⚡️Bunday ishlar deputatlik nazoratining aholi uchun muhim bo‘lgan muammolarni hal etishdagi ahamiyatini yana bir bor ko‘rsatadi. Xalq deputatlari Jondor tumani Kengashi deputatlari tomonidan fuqarolar murojaatlarini o‘rganish va ularni tegishli tashkilotlar bilan hamkorlikda bartaraf etish borasidagi ishlar izchil davom ettiriladi.