Xalq deputatlari Jondor tumani Kengashi raisi L.Behbudova hamda tuman Kengashi deputatlari I.Xolov va Z.Shomurodovalar hamkorligida Denov mahallasida bo‘lib, hokim yordamchilari tomonidan amalga oshirilayotgan ishlar samaradorligi o‘rganildi.
✔️O‘rganish jarayonida mahallada aholi bandligini ta’minlash, xonadonlarning daromad manbalarini ko‘paytirish, tadbirkorlik faoliyatini yo‘lga qo‘yish hamda ehtiyojmand oilalarni qo‘llab-quvvatlash borasida olib borilayotgan ishlarga alohida e’tibor qaratildi.
✔️Xususan, aholini kambag‘allikdan chiqarish bo‘yicha belgilangan vazifalarning ijrosi, fuqarolarga yaratilgan imkoniyatlardan samarali foydalanish, kasb-hunarga o‘qitish va doimiy daromad manbaiga ega bo‘lishini ta’minlash masalalari muhokama qilindi.
✔️Deputatlar har bir oila bilan manzilli ishlash, mavjud muammolarni aniqlab, ularni bartaraf etish yuzasidan amaliy choralarni kuchaytirish zarurligini ta’kidladilar.
✔️Bunday o‘rganishlar aholi murojaatlarini joyida hal etish, hokim yordamchilari faoliyati samaradorligini oshirish va fuqarolarning munosib turmush sharoitini ta’minlashda muhim ahamiyat kasb etadi.