2 sentabr — Bilimlar kuni hamda yangi 2026–2027 o‘quv yilining boshlanishi munosabati bilan Jondor tumanidagi ta’lim muassasalarida bayramona tadbirlar o‘tkazildi.
➡️Shu munosabat bilan Xalq deputatlari Jondor tumani Kengashi deputatlari I. Ro‘ziyev hamda M. Hojiyeva hamkorligida tumandagi 1-son umumiy o‘rta ta’lim maktabida bo‘lib, 1-sinfga qadam qo‘ygan o‘quvchilarni qutladilar.
➡️Tadbir davomida ilk bor maktab ostonasidan xatlab o‘tayotgan bolajonlarga Prezident sovg‘alari tantanali ravishda tarqatildi. Sovg‘alarning topshirilishi o‘quvchilarga katta quvonch bag‘ishlab, ularning yangi o‘quv yilini ko‘tarinki kayfiyatda boshlashlariga xizmat qildi.
➡️Deputatlar o‘z so‘zlarida yosh avlodning sifatli ta’lim olishi, zamonaviy bilim va ko‘nikmalarni egallashi uchun mamlakatimizda yaratilayotgan imkoniyatlarni ta’kidlab, birinchi sinf o‘quvchilariga o‘qishlarida muvaffaqiyat, mustahkam sog‘lik va ulkan yutuqlar tiladilar.
➡️Prezident sovg‘alari — yurtimizda bolalar ta’limi va kelajagiga yuksak e’tiborning yorqin ifodasi. Yangi o‘quv yili har bir o‘quvchi uchun yangi bilimlar, ezgu orzular va katta marralar sari qo‘yilgan muhim qadam bo‘lsin!