Yangi o‘quv yilining boshlanishi munosabati bilan Xalq deputatlari Jondor tumani Kengashiga 23-Ko‘liyon saylov okrugidan saylangan deputat U. Ro‘ziyev “Ko‘liyon” mahallasi hududida joylashgan 6-umumta’lim maktabiga tashrif buyurdi.
👉Tashrif davomida deputat maktab jamoasi, o‘qituvchilar va o‘quvchilarni yangi o‘quv yili boshlangani bilan samimiy muborakbod etdi. Tadbirda so‘zga chiqib, yosh avlodga sifatli ta’lim-tarbiya berish, ularning bilim olishi va o‘z iqtidorlarini namoyon etishi uchun yaratilayotgan imkoniyatlar haqida to‘xtalib o‘tdi.
👉U. Ro‘ziyev o‘z nutqida mamlakatimizda ta’lim sohasiga qaratilayotgan yuksak e’tibor, maktablarda o‘quvchilar uchun zamonaviy va qulay sharoitlarni yaratish borasida amalga oshirilayotgan ishlar muhim ahamiyat kasb etayotganini ta’kidladi.
👉Shuningdek, deputat o‘quvchilarni puxta bilim olishga, ustozlarni hurmat qilishga, Vatanga sadoqatli va yurt ravnaqiga munosib hissa qo‘shadigan barkamol avlod bo‘lib voyaga yetishga chaqirdi.
👉Yangi o‘quv yili barcha o‘quvchi va ustozlar uchun ulkan yutuqlar, yangi bilimlar va ezgu maqsadlar yili bo‘lishi tilab qolindi.
👉Xalq deputatlari Jondor tumani Kengashi deputatlarining ta’lim muassasalari bilan hamkorligi, yoshlar ta’limi va tarbiyasiga e’tibori bundan buyon ham izchil davom etadi.