Prezidentimiz Shavkat Mirziyoyevning Islom Karimov nomidagi ilmiy-ma’rifiy yodgorlik majmuasiga tashrif buyurib, Birinchi Prezidentimiz haykali poyiga gulchambar qo‘ygani xalqimiz tarixiga, milliy davlatchiligimiz asoslarini yaratgan ulug‘ shaxs xotirasiga yuksak ehtirom namunasidir.
Islom Karimov rahnamoligida mamlakatimiz mustaqillikka erishib, milliy taraqqiyot yo‘liga qadam qo‘ydi. Bugungi kunda amalga oshirilayotgan keng ko‘lamli islohotlar ham ana shu mustahkam poydevor ustida davom etmoqda.
🇺🇿Mazkur tashrif yosh avlodni Vatanga muhabbat, milliy qadriyatlarga hurmat va ajdodlar merosiga sadoqat ruhida tarbiyalashda muhim ahamiyat kasb etadi. Chunki millat taraqqiyoti o‘z tarixini qadrlagan, buyuk ajdodlari merosini e’zozlagan xalq qo‘lida bo‘ladi.
🇺🇿Xalq deputatlari Jondor tumani Kengashi deputati sifatida ushbu tashrifni mamlakatimiz tarixiy xotirasiga bo‘lgan yuksak e’tibor va davlatchilik an’analarining uzviy davomi sifatida baholayman.

M.Hojiyeva, Xalq deputatlari Jondor tumani Kengashi deputat