Oltinsoy tumani “Shoxcha” mahallasida Xalq deputatlari tuman Kengashining 2026-yil 5-martdagi VII-16-13-8-108-K/26-son qarori ijrosi yuzasidan deputatlik nazorati amalga oshirildi.

Mazkur qaror ijrosini ta’minlash, shuningdek, hududda amalga oshirilayotgan obodonlashtirish va infratuzilmani rivojlantirish ishlari holatini o‘rganish maqsadida Xalq deputatlari Surxondaryo viloyati Kengashi kotibiyati mudiri Sh.Boyqulov, Xalq deputatlari Oltinsoy tumani Kengashi raisi A.Turdiyev hamda tuman Kengashi kotibiyati mudiri M.Xujanov ishtirokida “Shoxcha” mahallasida nazorat-tahlil tadbiri o‘tkazildi.

O‘rganish davomida qarorda belgilangan vazifalarning ijrosi, hududdagi obodonlashtirish ishlari hamda infratuzilma obyektlarining holati ko‘zdan kechirilib, aniqlangan masalalarni bartaraf etish yuzasidan tegishli tavsiyalar berildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz