Birlik okrugi deputati Sh. Fayziyeva ko‘p qavatli uylarda kommunal xizmatlar holatini
o‘rgandi 

Birlik okrugi deputati Sh. Fayziyeva hududdagi ko‘p qavatli uylarga tashrif buyurib,
issiq va sovuq suv ta’minoti, elektr energiyasi hamda gaz bilan ta’minlash
holati yuzasidan fuqarolar bilan suhbatlashdi. 

Tashrif davomida deputat aholining kommunal xizmatlardan foydalanish sharoitlari,
uylardagi muhandislik tarmoqlarining holati va ularning barqaror ishlashi bilan
tanishdi. Fuqarolar tomonidan elektr energiyasi va gaz ta’minoti bo‘yicha
jiddiy muammolar mavjud emasligi, xizmatlar barqaror ta’minlanayotgani ma’lum
qilindi. 

SH. Fayziyeva kommunal infratuzilmaning holati hamda aholi uchun qulay
shart-sharoitlarni ta’minlash doimiy e’tiborda bo‘lishini ta’kidlab, kelgusida
ham bu yo‘nalishdagi ishlarni o‘rganib borishini bildirdi. 

Uchrashuv ochiq muloqot ruhida o‘tib, fuqarolar o‘zlarini qiziqtirgan boshqa masalalar
yuzasidan ham fikr va takliflarini bildirishdi.