Xalq deputatlari Zarbdor tuman Kengashi 3-Yangiobod saylov okrugi deputati M. Gaipov tomonidan avvalroq "Yangiobod" mahallasidagi koʻp qavatli uylar tutash hududlarida aniqlangan noqonuniy qurilishlarni xatlovdan oʻtkazish va ularni bartaraf etish boʻyicha deputatlik soʻrovi Kadastr agentligi Zarbdor tuman boʻlimiga yuborilgan edi.
Ushbu soʻrov asosida noqonuniy qurilmalarni buzish ishlari boshlangan boʻlib, deputat M. Gaipov mazkur jarayon ijrosini oʻrganish va nazorat qilish maqsadida hududga tashrif buyurdi. Tashrif davomida u buzish ishlari tartibga muvofiq amalga oshirilayotgani, aholining xavfsizligi taʻminlanayotgani hamda masʻul tashkilotlar tomonidan belgilangan chora-tadbirlar bajarilayotganini koʻzdan kechirdi.
Deputatning ushbu nazorati hududda qonuniy tartibni mustahkamlash, adolatsiz qurilishlarning oldini olish va mahalla aholisi uchun qulay hamda xavfsiz yashash sharoitini taʻminlashga qaratilgan.