Uyma-uy yurib olib borilgan loyiha doirasida deputatning fuqarolar bilan uchrashuvi

Hududdagi mavjud muammolarni o‘rganish, aholining dard-u tashvishlariga bevosita quloq tutish maqsadida Xalq deputatlari Termiz tuman Kengashi deputati Dj.Taxchiyeva tashabbusi bilan “Uyma-uy yurib muammolarni aniqlash” loyihasi doirasida mahallalarda aholi bilan uchrashuvlar tashkil etildi.

Mazkur uchrashuvlar davomida deputat bevosita xonadonlarga kirib, fuqarolarning turmush sharoiti, ijtimoiy ehtiyojlari, mavjud muammolari bilan tanishdi. Aholi tomonidan ko‘tarilgan muammolar orasida:

• ichki yo‘llarning nosozligi,

• elektr ta’minotidagi uzilishlar,

• ichimlik suvi yetishmovchiligi,

kabi masalalar qayd etildi.

Deputat har bir murojaatni e’tiborga olgan holda deputatlik so‘rovlari yuborilishi va tegishli tashkilotlar bilan hamkorlikda yechim topilishi bo‘yicha ish olib borilishini takidladi.

Fuqarolar bunday ochiq va samimiy muloqotlar, e’tibor va g‘amxo‘rlikdan mamnun ekanliklarini bildirib, ushbu loyihani doimiy davom ettirish taklifini ilgari surdilar.

Deputatning tashabbusi bilan uyma-uy yurib o‘tkazilgan bunday uchrashuvlar aholining davlat idoralari va mahalliy kengashlar faoliyatiga bo‘lgan ishonchini oshirishda muhim vosita bo‘lib xizmat qilmoqda.