15-may kuni Prezident Shavkat Mirziyoyev raisligida maktab ta’limi tizimidagi islohotlar samaradorligini yanada oshirish bo‘yicha ustuvor vazifalar muhokamasiga bag‘ishlangan videoselektor yig‘ilishi o‘tkazildi. Yig‘ilishda ta’lim sohasida olib borilayotgan keng ko‘lamli islohotlar natijalari, mavjud muammolar va ularni hal etish yo‘llari batafsil ko‘rib chiqildi.

Davlat rahbari so‘nggi yillarda maktab va bog‘chalarda yangi o‘rinlar yaratilgani, o‘qituvchilarning mehnatiga munosib sharoit yaratilib, ularning maoshi sezilarli darajada oshirilgani hamda o‘quv dasturlari zamon talablari asosida yangilanayotganini alohida ta’kidladi. Shuningdek, pedagoglar malakasini oshirish, xalqaro tajribalarni joriy etish, darslik va metodikalarni takomillashtirish, laboratoriyalar va texnik bazani kuchaytirish masalalariga ustuvor ahamiyat qaratildi.

Xalq deputatlari tuman Kengashi deputati Andayev Axmad