Xalq deputatlari Bekobod shahar kengashining 1- “Yangihayot” saylov okrugidan saylangan deputat U.Abdunazarov va Bekobod shahar hokimining chegara masalalari bo‘yicha maslahatchisi R.Eshbekov fuqarolarning sayyor qabulini o‘tkazdilar. Qabul jarayonida korxona va tashkilot rahbarlari ishtirok etdilar. Fuqarolardan jami 13 ta murojaat qabul qilindi. Shundan 8 tasi joyida hal etildi. 5 ta murojaat esa vaqt talab etishi sababli mas’ullarga topshiriq berildi va muammoni tez fursatda bartaraf etish yuzasidan nazoratga olindi. Jumladan, uy-joy mulkiga ega bo‘lish huquqni beruvchi kadastr hujjatlari, maishiy chiqindilarni o‘z vaqtida olib chiqib ketish masalasi, 50 dona elektr ustunlarini o‘rnatish masalasi, yangi kanalizatsiya tarmog‘lari qopqog‘larini sifatli o‘rnatish va boshqa maslalar ko‘tarildi. Bu kabi sayyor qabullar aholi muammolarini joyida o‘rganish va ularni hal etishda muhim ahamiyat kasb etmoqda.