O‘rganish davomida murojaatchi fuqaro turmush o‘rtog‘idan ajrashgani, bir nafar voyaga yetmagan farzandi borligi, keksayib qolgan ota-onasi bilan birga yashayotgani aniqlangan. Haqiqatdan ham 1960-yillarda qurilgan xonadon xaroba holatga kelgan, qish mavsumida yashash xavfli ekanligini inobatga olib mahalla fuqarolar yig‘ini mutasaddi-xodimlari tomonidan jalb qilingan homiylar yordamida bir xona uy silikat gishtdan ko‘tarilgan. Lekin murojaat qilgan fuqaro qish mavsumi boshlangunga qadar uyning tom qismini qurib-bitirib, yashash uchun kirib olishga imkoniyati yo‘qligi sababli yordam so‘ragan.

Yuqoridagi muammoning yechimi yuzasidan murojaat qilgan fuqaroga O‘zLiDeP deputatlik guruhi a’zolari amaliy yordam berish masalasida tegishli tashkilotlarga deputatlik so‘rovi yuborishlarini ma’lum qildilar.

Xalq deputatlari Uchko‘prik tumani Kengashi kotibiyati