O'zbekiston Respublikasi Prezidentining 2024-yil 23-sentabrdagi "Kambag'allidan farovonlik sari dasturini amalga oshirish bo'yicha birinchi navbatdagi chora-tadbirlar to'g'risida"gi PQ-330-sonli hamda Xalq deputatlari Buxoro viloyati Kengashining 2024-yil 26-dekabr kunidagi VII-4-023-2-0-K/24-sonli va tuman Kengashining VII-5-023-2-33-K/24-sonli qarorlariga asosan tuman Kengashi deputati A.Muxtarov Vobkent tumanidagi “Xayrabod” mahalla fuqarolar yig‘inida bo’lib, dastur doirasida o’rganishlar olib bordi. “Xayrabod” mahalla fuqarolar yig‘ini hududida tomarqa yerlarini sug‘orish uchun 1 ta D 114 mm bo‘lgan artizan qudug‘i o‘rnatilgan, elektr ta’minotini yaxshilash uchun 1 ta 250 kVtlik transformator o‘rnatilgan hamda 12,0 km elektr tarmoqlari tortilib, 233 dona elektr tayanch ustunlari o‘rnatilgan.