Bugun 6-Jo‘langar saylov okrugi deputati Umurzoq Yarlakabov "Jo‘langar" mahalla yettiligi a’zolari hamda faollar bilan uchrashuv o‘tkazdi.

Uchrashuvda mahallada amalga oshirilayotgan ishlar, mavjud muammolar va ularni bartaraf etish yuzasidan fikr almashildi. Shuningdek deputat 2-chorak yakunlari bo‘yicha amalga oshirilgan ishlar va erishilgan natijalar yuzasidan axborot berdi. Faollar tomonidan bildirilgan taklif va mulohazalar tinglanib, ularni amaliyotga joriy etish bo‘yicha rejalar belgilandi.

Xususan, aholining toza ichimlik suvi bilan ta'minlash, yo‘llar ta’miri, bandlik, ijtimoiy himoya kabi dolzarb masalalari yuzasidan fikrlar o‘rganilib, ularni hal etishda tegishli tashkilotlar bilan hamkorlikda ish olib borilishi ta’kidlandi.

🤝 Bunday ochiq va samimiy muloqotlar mahalla hayotida ijtimoiy faollikni oshirishga, fuqarolar manfaatini ta’minlashga xizmat qilmoqda.