Suhbat davomida hududdagi ichki yo‘llarning holati, ichimlik suvi ta’minoti, elektr ta’minotida yuzaga kelayotgan uzilishlarga oid masalalar ko‘tarildi. Ayniqsa, aholini qiynab kelayotgan kommunal xizmatlar bilan bog‘liq muammolar deputat e’tiboriga havola etildi. Deputat ko‘tarilgan masalalar yuzasidan o‘zining qonunchilikdagi vakolatlari doirasida tegishli tashkilotlarga murojaat yo‘llash, ya’ni deputatlik so‘rovi chiqarish bo‘yicha kelishuvga erishildi. Uchrashuv yakunida deputat aholi muammolarini doimiy ravishda nazoratga olib borishini va ular ijobiy hal etilishi uchun amaliy choralar ko‘rishini ta’kidladi.