🔹Joriy yilning 15-may kuni Oʻzbekiston Respublikasi Prezident Shavkat Mirziyoyev raisligida o‘tkazilgan videoselektor yig‘ilishi maktab ta’limi sohasidagi islohotlarning yangi bosqichini boshlab berdi, desak adashmaymiz. Yig‘ilishda ta’lim sifatini oshirish, o‘qituvchilarning malakasini muntazam ravishda oshirish, maktab infratuzilmasini yaxshilash va zamonaviy o‘quv dasturlarini joriy etish bo‘yicha ko‘plab muhim vazifalar belgilab berildi.

🔹Mening fikrimcha, bu islohotlarning eng asosiy jihati – ta’lim tizimini natijadorlikka yo‘naltirish va har bir o‘quvchining individual salohiyatini yuzaga chiqarishdir. Ayniqsa, ustozlarga bo‘lgan e’tiborning ortib borayotgani, ularning moddiy va ma’naviy qo‘llab-quvvatlanayotgani ta’limdagi ijobiy o‘zgarishlarga kuchli turtki beradi.

🔹Ushbu yig‘ilishda belgilangan ustuvor vazifalar – nafaqat ta’lim tizimini rivojlantirish, balki butun jamiyatimizning intellektual salohiyatini yuksaltirish yo‘lida muhim qadam bo‘ldi. Bunday islohotlarni har bir pedagog, har bir ota-ona qo‘llab-quvvatlashi zarur, chunki farzandlarimiz kelajagi aynan bugungi ta’lim sifatiga bevosita bog‘liq.

🔹Xulosa qilib aytganda, mening fikrim Prezident Shavkat Mirziyoyev raisligida o‘tkazilgan videoselektor yig‘ilishi ta’lim sohasida chuqur tahlil va amaliy yechimlarga asoslangan muhim hujjat bo‘lib xizmat qildi. Unda belgilangan vazifalar nafaqat maktab ta’limining sifatini oshirish, balki o‘qituvchi va o‘quvchi o‘rtasidagi yangi munosabatlar tizimini shakllantirishga qaratilgan. Har bir pedagog va ota-ona bu islohotlarga mas’uliyat bilan yondashsa, ta’limda kutilgan yuksalishlarga erishish albatta mumkin.

Xalq deputatlari Bo‘stonliq tumani Kengashi deputati M.Ashurov