O‘zbekiston Respublikasi Prezidentining tegishli farmoniga asosan, Ikkinchi jahon urushi yillarida front ortida mehnat qilgan, yelkasida og‘ir hayot sinovlarini ko‘targan, mamlakatimizda tinchlik va barqarorlikni ta’minlashda munosib hissa qo‘shgan bir guruh faxriylarga “Shon-shuhrat” medali topshirildi. 

Ta’kidlash joizki, ushbu yuksak mukofotni tantanali ravishda Oltinsoy tuman Kengashi Qorliq 13-saylov okrugidan saylangan deputat Mengnorova Zarifa Toshpulatovna
faxriylarga shaxsan topshirdi. 

Marosim davomida deputat yurtdoshlarimizni bayram bilan tabriklar ekan, ularning fidokorona mehnati va jasorati bugungi yoshlar uchun ibrat maktabi ekanligini
ta’kidladi. Shuningdek, davlatimiz tomonidan keksalar va urush mehnat faxriylariga ko‘rsatilayotgan e’tibor va g‘amxo‘rlik izchil davom ettirilayotgani qayd etildi. 

Taqdirlangan faxriylar va ularning yaqinlari bu e’tirof uchun mamlakat rahbariyati hamda xalq vakillariga samimiy minnatdorliklarini izhor etishdi. 

  Oltinsoy tumani Kengash Kotibiyati Axborot xizmati 

✅ Kanalga ulanish uchun: https://t.me/OltinsoyKengashkotibiyati