Bugun biz barchamiz uchun eng ulug‘ va eng aziz bayram — O‘zbekiston Respublikasi Mustaqilligi kunini keng nishonlamoqdamiz. Mustaqillik bizga erkinlik, ozod va obod hayot qurish, milliy qadriyatlarimizni tiklash hamda yurtimizni dunyo hamjamiyati orasida munosib o‘rin egallash imkonini berdi.

Shu qisqa davr ichida mamlakatimiz siyosiy, ijtimoiy va iqtisodiy sohalarda ulkan yutuqlarga erishdi. Bugun yurtimizning har bir hududi, jumladan, Izboskan tumani ham yangilanish va taraqqiyot yo‘lida dadil qadam tashlab, xalqimiz farovonligi yo‘lida izchil harakat qilmoqda.

Aziz Izboskanliklar!

Mustaqillik — biz uchun eng katta ne’mat. Uni asrab-avaylash, kelajak avlodlarga yanada mustahkam va farovon yurtni meros qoldirish barchamizning muqaddas burchimizdir. Shu bois, tumanimiz mehnatkashlari, yoshlari, oqila onalari va nuroniy otaxonlari bir yoqadan bosh chiqarib, Vatanimiz ravnaqi uchun fidoyilik bilan mehnat qilayotganini alohida ta’kidlash joizdir.

Shu muborak kunda Siz, azizlarni — qadrli yurtdoshlarimizni Mustaqillik bayrami bilan chin qalbimizdan samimiy muborakbod etamiz! Sizlarga sihat-salomatlik, xonadonlaringizga fayz-u baraka, yurtimizga tinchlik va taraqqiyot tilaymiz.

Mustaqillik bayramingiz muborak bo‘lsin!

Hurmat bilan,
Izboskan tumani Xalq deputatlari Kengashi

Slide 1 of 1