O‘zbekiston Xalq demokratik partiyasi Markaziy Kengashining 2025 yil 25 avgustdagi 4-345-sonli topshiriq xati ijrosini ta’minlash maqsadida, Oqoltin tumani kengashiga 19-«Tutzor» saylov okrugidan saylangan deputat Esanbay Babayev hududdagi tijorat do‘konlarida sotilayotgan oziq-ovqat maxsulotlarining sifati va yaroqliligini o‘rganmoqda. 

Ushbu jarayonda fuqarolarning salomatligini muhofaza qilish, ularni sifatli va xavfsiz oziq-ovqat mahsulotlari bilan ta’minlash masalalariga alohida e’tibor qaratildi. Deputat tomonidan olib borilgan nazorat ishlari aholining huquq va manfaatlarini himoya qilishga, shuningdek, turmush sifatini yanada oshirishga xizmat qiladi.