Mahalla raisi saylovi davom etmoqda 

🔷 Farg‘ona tumani hududidagi
mahalla fuqarolar yig‘inlaridagi “Mahalla fuqarolar yig‘ini raisi” lavozimiga saylovlar
davom etmoqda. Mana shunday saylovdardan biri tumanning Yuqori Archa MFYda ham bo‘lib
o‘tdi 

🔷 Mazkur saylovda Kengash deputati Baxodirjon
Axmadjonov ishtirok etib, saylovni namunali, oshkoralik, muqobillik hamda teng saylov
huquqi prinsiplari asosida o‘tishini kuzatib, nazorat olib bordi. 

🔷 Saylov jarayoni davomida fuqarolar yig‘inining reglamentiga muvofiq
nomzodlar tomonidan dasturlar taqdim etildi, ularning muhokamasi,
savol-javoblar o‘tkazildi. Ovoz berish yashirin shaklda tashkil etilib, saylov
byulletenlari sanoq komissiyasi tomonidan tarqatildi hamda ovozlar shaffoflik
asosida sanab chiqildi.  

🔷 Yakuniy natijalarga ko‘ra, eng
ko‘p ovoz to‘plagan Yo‘ldashev Abdulvoxid “Yuqori Archa” mahalla fuqarolar
yig‘ini raisi lavozimiga saylandi.