Xalq deputatlari Qo‘qon shahar Kengashi deputati M.Axmedova, shahar Kengashi kotibiyati mudiri A.Nosirov hamda shahar hokimining maslahatchisi D.Alimova hamkorligida O‘zbekiston Respublikasining “Davlat tili to‘g‘risida”gi Qonuni ijrosi yuzasidan "Gʻalchasoy" mahalla fuqarolar yig‘inida o‘rganish ishlari olib borildi.

O‘rganish davomida mahalla fuqarolar yig‘inida ish yuritish holati, rasmiy hujjatlarni yuritishda davlat tili to‘g‘risidagi qonun talablariga rioya etilishi hamda hujjatlarning lotin yozuviga asoslangan o‘zbek alifbosida yuritilishi tahlil qilindi.

Xususan, mahalla "yettiligi" tomonidan yuritilayotgan hujjatlar, xizmat yozishmalari, ichki hujjatlar hamda axborot materiallarining davlat tilida va amaldagi imlo qoidalariga muvofiq rasmiylashtirilishi yuzasidan o‘rganish olib borildi.

Shuningdek, o‘rganish jarayonida davlat tilidan to‘g‘ri foydalanish, rasmiy hujjatlar sifatini yanada oshirish, lotin yozuviga asoslangan o‘zbek alifbosini amaliyotda to‘liq qo‘llash hamda aniqlangan ayrim kamchiliklarni bartaraf etish bo‘yicha mas’ullarga tegishli tavsiya va tushuntirishlar berildi.

Mazkur o‘rganish davlat tili to‘g‘risidagi qonun talablarining to‘liq ijrosini ta’minlash, hujjatlar bilan ishlash sifatini oshirish hamda mahallalarda ish yuritish tizimini yanada takomillashtirishga xizmat qiladi.

Xalq deputatlari Qo‘qon shahar Kengashi