Xalq deputatlari Bekobod tumani Kengashiga Oʻzbekiston "Adolat" sotsial-demokratik partiyasidan saylangan deputat S. Shokirova hamda Kengash kotibiyati bosh mutaxassisi A. Utegenov tomonidan Bunyodkor mahallasida Oʻzbekiston Respublikasining 2019-yil 22-oktyabrdagi “Valyutani tartibga solish toʻgʻrisida”gi OʻRQ–573-son Qonunining ijrosi hamda uning mazmun-mohiyati yuzasidan tushuntirish ishlari olib borildi.

Tadbir davomida qonunning asosiy normalari, valyuta munosabatlarini tartibga solishning huquqiy asoslari, fuqarolar va tadbirkorlik subyektlarining huquq hamda majburiyatlari haqida batafsil ma’lumot berildi. Shuningdek, ishtirokchilarni qiziqtirgan savollarga atroflicha javoblar qaytarildi.

🤝 Aholining huquqiy savodxonligini oshirish, amaldagi qonunchilik mazmun-mohiyatini keng targ‘ib qilish hamda qonunlar ijrosini ta’minlash borasidagi ishlar izchil davom ettirilmoqda.