"AHOLI BANDLIGINI TA’MINLASH TO‘G‘RISIDA"GI QONUN IJROSI O‘RGANILDI

Xalq deputatlari Quva tuman Kengashi deputati A.Isaxonov tomonidan tuman
Kengashi doimiy komissiyalari kesimida o‘ziga biriktirilgan Kambag‘allikni
qisqartirish va bandlikka ko‘maklashish tuman bo‘limida O‘zbekiston
Respublikasining "Aholi bandligini ta’minlash to‘g‘risida"gi Qonuni
ijrosi yuzasidan amalga oshirilayotgan ishlar o‘rganildi.

O‘rganish ishlarida kotibiyat bosh mutaxassisi M.To‘xtasinov, “MADAD” NNT tuman
vakili X.Qodirov, Kengash huzuridagi Ekspert-maslahat guruhi hamda Yoshlar
maslahat guruhi vakili J.Abdurashidovlar ishtirok etdi.

O‘rganish davomida aholini ish bilan ta’minlash, ishsiz fuqarolarni
kasb-hunarga o‘qitish, bo‘sh ish o‘rinlariga yo‘naltirish, o‘zini o‘zi band
qilish va tadbirkorlikni qo‘llab-quvvatlash bo‘yicha amalga oshirilayotgan
chora-tadbirlar tahlil qilindi.

Shuningdek, fuqarolar murojaatlari bilan ishlash holati, qonun talablarining
amaldagi ijrosi hamda belgilangan vazifalarning bajarilishi yuzasidan mas’ullar
bilan muhokamalar o‘tkazildi.

O‘rganish yakunida aholi bandligini ta’minlash borasidagi ishlar samaradorligini
yanada oshirish, qonun talablarining to‘liq ijrosini ta’minlash hamda
aniqlangan kamchiliklarni bartaraf etish bo‘yicha mas’ullarga tegishli tavsiya
va ko‘rsatmalar berildi. Aniqlangan kamchiliklar “Deputatning ko‘cha aylanish
daftari”ga kiritildi va bartaraf etilishi nazoratga olindi.