Xalq deputatlari Bekobod tuman Kengashiga O‘zbekiston “Milliy tiklanish” demokratik partiyasidan saylangan deputat, kotibiyat mudiri Q. Bobojonov hamda kotibiyat bosh mutaxassisi A. Utegenov Pastki Kerayit mahallasidagi 2-oilaviy poliklinikada bo‘lib, aholining bepul dori-darmonlar bilan ta’minlanish holatini o‘rgandilar.

Tashrif davomida tibbiyot muassasasida mavjud dori vositalari zaxirasi, ularni aholiga yetkazish tartibi hamda fuqarolarning ushbu xizmatlardan foydalanish darajasi yuzasidan o‘rganish ishlari olib borildi. Shuningdek, mas’ullar bilan mavjud holat va kelgusidagi vazifalar yuzasidan fikr almashildi.

✅ Aholining sifatli tibbiy xizmatlardan foydalanishi hamda bepul dori-darmonlar bilan o‘z vaqtida ta’minlanishini nazorat qilish deputatlik faoliyatining muhim yo‘nalishlaridan biri hisoblanadi.