Халқ депутатлари Миробод туман Кенгашидаги 2-Фаровон сайлов округи депутати Г.Умарова ҳамда Кенгаш котибияти бош мутахассиси У.Маманазаровлар ҳафталик иш режасига мувофиқ «Афросиёб» маҳалласида навбатдаги ўрганиш ишларини ўтказди.

🗣️ Ўрганиш давомида депутат Г.Умарова ташаббуси билан маҳалла раиси ҳамроҳлигида ҳудуддаги долзарб муаммолар ва уларнинг аниқ ечимлари атрофлича муҳокама қилинди. Депутат маҳалла ҳаётини яхшилашга қаратилган бир нечта муҳим масалаларни илгари сурди ва келгусида қилиниши лозим бўлган вазифаларни белгилаб олди.

🔔 Хавфсиз маҳалла тизими:
Маҳалла ҳудудида ПҚ-1 қарори ижросини таъминлаш мақсадида, аҳоли хавфсизлиги ва осойишталиги учун ҳудудни тўлиқ кузатув камералари билан таъминлаш масаласи депутат томонидан назоратга олинди.

✔️ Пиёдалар йўлакларини тартибга солиш:
Кўп қаватли уйларга туташ ҳудудлардаги йўлаклар ва пиёдалар ўтиш нуқталарини аҳоли учун қулай ва хавфсиз ҳолатга келтириш бўйича амалий чоралар кўриладиган бўлди.

💬 Автотураргоҳлар муаммосига ечим:
Маҳалла аҳолисидан келиб тушган таклифлар асосида, ҳудуддаги автотураргоҳ муаммосини бартараф этиш бўйича туман ҳокимлиги билан ҳамкорликда иш ташкил этиш ва масалага ижобий ечим топиш юзасидан келишиб олинди.

📌 Депутат Г.Умарова маҳалла инфратузилмасини тубдан яхшилаш ва аҳолига муносиб турмуш шароити яратиш борасидаги тизимли ташаббусларини қатъий давом эттиради.

Ўрганиш давомида Кенгаш котибияти бош мутахассиси У.Маманазаров депутатга ҳамроҳлик қилди.