🚧 Deputat nazorati: Bog‘ishamol mahallasida ichki yo‘llar asfaltlashtirilmoqda

Xalq deputatlari Baxmal tumani Kengashi deputati F.Anorboyev o‘z saylov okrugida (Bog’ishamo MFYda) amalga oshirilayotgan infratuzilma loyihalarining ijrosini o‘rganish maqsadida nazorat-tahlil tadbirini o‘tkazdi.
Jamoatchilik tashabbusi asosida g‘olib deb topilgan loyiha doirasida Bog‘ishamol mahallasidagi "Nurituron" , "O‘zbegim", "Mehnatkashlar"va "Ziyoli bog‘bon" ko‘chalarida jami 2916 metr ichki yo‘lni asfaltlash ishlari amalga oshirildi.Mazkur loyihaning asosiy maqsadi aholi, maktab o‘quvchilari uchun xavfsiz qulay harakatlanish sharoitini yaratish, mahalla infratuzilmasini yanada yaxshilashdan iborat.
Deputat F. Anorboyev qurilish ishlarining sifati, belgilangan muddatlarda bajarilishi hamda ajratilgan mablag‘larning maqsadli sarflanishi yuzasidan nazoratni amalga oshirib, mas’ullarga tegishli tavsiya va takliflarini bildirdi.