Xalq deputatlari tuman Kengashi kotibiyati bosh mutaxassisi G.Abduvositova hamda Xalq deputatlari tuman Kengashi deputati U.Achilovlar tomonidan saylov okrugida olib borilgan xonadonbay o‘rganish ishlari davomida To‘rttol mahallasi, Ona yer ko‘chasi, 9-uyda istiqomat qiluvchi fuqaro Shukurov Odiljonning murojaati joyiga chiqqan holda o‘rganildi. Muloqot davomida fuqaro sog‘lig‘i bilan bog‘liq muammolari haqida ma’lumot berib, son suyagi bo‘yicha jarrohlik amaliyotini o‘tkazish uchun zarur bo‘lgan davolanish xarajatlarini qoplash maqsadida moddiy yordam ajratilishida amaliy ko‘mak so‘radi. Murojaat mazmuni deputat va kotibiyat bosh mutaxassisi tomonidan atroflicha o‘rganilib, fuqaroga amaldagi qonunchilik asosida zarur huquqiy tushuntirishlar berildi. Shuningdek, masalani ijobiy hal etish yuzasidan tegishli tashkilotlar bilan hamkorlikda amaliy choralar ko‘rish zarurligi qayd etildi. Mazkur murojaat Xalq deputatlari tuman Kengashi deputatining “Okrugni aylanish daftari”ga belgilangan tartibda qayd etilib, nazoratga olindi. Ta’kidlanganidek, aholi murojaatlarini joyiga chiqqan holda o‘rganish, fuqarolarni qiynayotgan muammolarga o‘z vaqtida e’tibor qaratish hamda ularning qonuniy manfaatlarini ta’minlash Xalq deputatlari tuman Kengashi va deputatlik faoliyatining ustuvor yo‘nalishlaridan biri hisoblanadi. Bu boradagi xonadonbay o‘rganish ishlari izchil davom ettiriladi.