Deputat va mahalla faollari muloqoti: murojaatlar yechimiga e’tibor

Xalq deputatlari Bandixon tumani Kengashi deputati B.Yo‘ldoshev tuman Kengashi kotibiyati xodimi B.Qurbonov Bektepa mahallasida mahalla faollari hamda aholi vakillari bilan uchrashuv o‘tkazdi.

Muloqot davomida fuqarolarning murojaat va takliflari tinglanib, ularni ijobiy hal etish yuzasidan amaliy tavsiyalar va tegishli chora-tadbirlar belgilandi.

Shuningdek, mahalla “yettiligi” faollari bilan hududdagi dolzarb ijtimoiy masalalar, aholi bandligini ta’minlash, tadbirkorlikni rivojlantirish hamda yoshlar bilan ishlash yo‘nalishlari yuzasidan fikr almashildi.

Jumladan, deputatlarga biriktirilgan qonunlar taqsimoti doirasida ishlab chiqilgan savolnomalar asosida O‘zbekiston Respublikasining “Oilaviy tadbirkorlik to‘g‘risida”gi Qonuni ijrosi yuzasidan amaliy o‘rganish ishlari tashkil etildi.

Uchrashuv yakunida deputat fuqarolarni qiziqtirgan savollarga batafsil javob berib, inson qadrini ulug‘lash, aholi farovonligini oshirish va ijtimoiy himoyani kuchaytirishga qaratilgan islohotlarning mazmun-mohiyati haqida ma’lumot berdi.